|
Núskaré meqali: Torné Thuji Wext: 09/02/2010 19:07
|
Ma ve xérdi!
Na asme, asma rozé XIZIRiya-/-Asma miyaz u QIRVANU zoniya
XIZIR, raa ma de namo girano-/DÊSIMIZ niya zono, niya vano
XIZIR WAYiRO
Vané, xızır tenge de hazır u nazıro
Xızıro khalo kokım, békesu ré wayiro
Tari vo ğeyal ison ré, fecir u sodıro
Ğeyal ke çine vo, her dem cıré zéyiro
Qe kes néwazeno ke, tenge de bımano
Unca ki, çino keso ke, qe dua mewano
Tenge de bımano, mordem yé zerri vano
Kam vone ki, venga khalé kokımi dano
Bé omed vo, xeles ré qe kes néfikrino
Eve omed zeyir beno derman werino
Venga xızıri medé, dest u pa cérino
Tenge de eve ğeyalé déy çare vénino
Yé ma kami ke xızıri ré duey kerdo
Vato, keşi tenge de béçare meverdo
Tım venga cı dano, kam ke wayiré derdo
Qe lasér şéro, qe germo, ya ki zof serdo
Gegane qesey beno ke xızıri se kerdo
Dest noro hewla, ya gosté péyeke berdo
Va Xızıro khal, qe keşi béğeyal meverdo
Maqa kam ke béğeyalo, roé ho merdo
Mordemo ke raa horé wayir véjiyo
Hem ve huyo, hem wayiré raa heqiyo
Yé ma vané, kam raa heqi ra vérdiyo
Bızone ke xızıro khal cıra herediyo
RAE RAA TÜYA, TI KE CIRÉ WAYİR VÉJİYA
|
|
|
|
|
|
|
|
